Image copyrightAP Korea Kaskazini inadaiwa kutekeleza jaribio la tano na kubwa zaidi la kifaa cha nyuklia, maafisa wa jeshi la Korea Kusini ...
Image copyrightAPKorea Kaskazini inadaiwa kutekeleza jaribio la tano na kubwa zaidi la kifaa cha nyuklia, maafisa wa jeshi la Korea Kusini wamesema.
Rais wa Korea Kusini Park Geun-hye ametaja jaribio hilo kuwa "jaribio la kujiangamiza" ambalo linaonyesha "kutomakinika" kwa kiongozi wa Korea Kaskazini Kim Jong-un.
Maafisa wa Seoul wanasema mitambo yao iligundua tetemeko la ardhi ya nguvu ya 5.3 kwenye vipimo vya Richter karibu na eneo ambalo Pyongyang hutumia kufanya majaribio ya vifaa vya nyuklia.
Korea Kaskazini kufikia sasa haijasema lolote kuhusu jaribio hilo, lakini wachanganuzi wanasema hii huenda ikawa ishara ya hatua zilizopigwa na taifa hilo katika kustawisha teknolojia yake ya nyuklia.
Waziri aliyesinzia mkutanoni auawa Korea Kaskazini
Mitetemeko ya ardhi ya kusababishwa na binadamu ambayo imetokea eneo hilo awali yote ilitokana na majaribio ya nyuklia.
Bi Park, ambaye amesitisha ghafla ziara yake ng'ambo, amesema baada ya kutekeleza jaribio hilo la tano la nyuklia "serikali ya Kim Jong-un itakaribisha vikwazo zaidi na kutengwa zaidi na jamii ya kimataifa."
"Uchokozi kama huu utaongeza kazi safari yake ya kuelekea kwenye maangamizi."
Image copyrightAFPImage captionMaafisa wa Japan wanasema mitetemeko ya ardhi isiyo ya kawaida ilisikikaKupitia taarifa iliyotumwa na shirika la habari la Korea Kusini Yonhap, mkuu wa majeshi ya Korea amesema: "Tunakadiria kwamba Kaskazini imetekeleza jaribio kubwa zaidi."
Jaribio hilo linadaiwa kuzalisha nguvu ya kilotani 10, nguvu mara dufu ya jaribio lililotekelezwa Januari.
Wakati huo, Korea Kaskazini ilisema ilikuwa imtekeleza jaribio la bomu la haidrojeni.
Maafisa wa jiolojia wa Marekani, ambao hufuatilia shughuli chini ya ardhi, walisema awali kwamba mitetemeko ilisikika karibu na eneo la Korea Kaskazini la kufanyia majaribio ya nyuklia la Punggye-ri.
Ijumaa huwa ni Siku ya Taifa nchini Korea Kaskazini ambapo taifa hilo huadhimisha kuanzishwa kwa taifa la sasa.
Korea Kaskazini mara kwa mara hutumia majaribio hayo kuonyesha nguvu zake.
Image copyrightGEOEYEImage captionEneo la Punggye-riJapan imeshutumu jaribio hilo na Waziri Mkuu Shinzo Abe amesema inashirikiana kwa karibu na washirika wake.
Marekani pia imesema inafuatilia taarifa hizo.
